Film hau lau atal ezberdin harilkatuz osatuta
dago: elkarrizketak, fikzioa, haurrekin egindako grabaketak eta animazioa.
ANIMAZIOA
Animazio bidez emandako azalpenek hitz
teknikoak eta zientifikoak saihestea dute helburu; haur berezien mundua ikusle
guztientzat ulergarri izan dadin, azken baten. Bide batez, animazioak
eskaintzen dizkigun aukera anitzez baliatuz, era atseginean eta jostagarrian
egin nahi izan dugu.
Irizpide horiek abiapuntutzat hartuta, Eider
Eibarrek pertsonaia alai eta koloretsuak diseinatu ditu, eta Juankarrek –animatzaileak–
bizia eman die. Hona hemen filmaren protagonista batzuk (gure lagunak, denak
ere):
Itxasne
Neskato gaztea da, batetik bestera joateko
gurpil-aulkia erabiltzen du, eta bere nahiak eta sentimenduak aurpegiko keinuen
eta gorputzaren bidez adierazten ditu.
Peru
Haur alaia eta sentibera da, eta jakin-min
izugarria dauka. Hori dela eta, Itxasneren unibertsora bidaiatzeko aukera
izango du. Horren ostean, Peruk eta bere amak egunean egindakoaren inguruan
solas egingo dute.
Maite
Itxasneren izeba. Ilobaren izateko era inork
baino hobeto ezagutzen du, eta horregatik hain zuzen, bereziak diren haurrekin
eta pertsonekin oso harreman berezia eta estua dauka.
No hay comentarios:
Publicar un comentario