Gizakiok orekatuak
izateko gaitasuna dugu
Gizakiok egitura neurobiologikoa
behar dugu pentsamendua egituratu eta garatu ahal izateko. Hau da, nerbio-sistema,
eta sistema hori osatzen duten zelulak eta zelulek osatzen dituzten zirkuituak
behar ditugu. Zirkuitu horien bitartez, informazioa prozesatzen dugu, eta
ondorioz, gure jokabidea egituratzen da: erabakiak hartzen ditugu, mugitu
egiten gara…
Hain zuzen ere, gure
egitura biologikoa genetikoki osasuntsua bada, gizaki orekatuak izango gara,
eta ondorioz, gizarteratzeko aukera handiak izango ditugu –lagunak egin,
egoerak konpartitu…–. Betiere, gizarteratzea norberaren ezaugarri pertsonal eta
partikularren arabera izango da.
Bada, haur ezberdinak
egitura biologiko edo egitura psikosozial osasuntsua edo normala ez duten
haurrak dira.
Nolakoak dira haur ezberdinak?
Haur ezberdinek ez dute
beraiengandik espero duguna egiten, edo, batzuetan, espero ez duguna egiten
dute. Oinarri biologikoa kontutan hartuta, haur ezberdinen artean aurkituko
genituzke zientziak izendatu dituen –eta izenik ez duten– hainbat eta hainbat
gaitz (autismoa, down sindromea, asperger sindromea, rett sindromea, angelman
sindromea...).
Kasu gehienetan haur horien
egitura neurobiologikoa ez da behar bezala garatu (garun-lesioak dituzte,
aldaketa genetikoak, zentzumenetan asaldurak…); horren ondorioz, gaitasun
biologikoak garatzeko arazo gehiago dituzte. Horrek eragina du gaitasun
psikikoak garatzeko orduan, eta ondorioz, gizarteratzeko arazo gehiago dituzte.
No hay comentarios:
Publicar un comentario