2011. urtean ekin genion proiektu honi. Une
hartan, gabezia neurologikoak dituzten haurrei buruzko datu asko, ezjakinduria
gehiago, eta batez ere, ilusio eta gogo handiak geneuzkan.
Itsasoari begira filma egitea gabezia neurologikoak dituzten haurrei laguntza emateko proiektu egokia iruditu zitzaigun; euren eguneroko bizimodua ezagutzera eman, eta bide batez, kolektiboa gizarteratzeko bidean gure aletxoa jarri nahi genuen. Filmaren proiektua Itxasoren familiari aurkeztu genion, eta eurei ere egokia iruditu zitzaien; hasiera-hasieratik laguntzeko eta parte hartzeko prest agertu ziren, eta horri esker, abian jarri ginen.
Eusko Jaurlaritzak bultzada handia eman zigun 2011. urtean: gidoia idazteko eta proiektua lantzeko diru-laguntzak eman zituen. Gauzak horrela, urte hartan proiektua prestatu genuen, eta horren ostean, film dokumentala gauzatu ahal izateko finantziazio bila hasi ginen. Baina tamalez, krisi ekonomikoak bete-betean harrapatu gintuen. Proiektua egokia iruditu arren, ekonomikoki laguntza emateko prest zeuden talde eta erakunde oso gutxi aurkitu genituen; ataka latzean geunden: filma grabatzen hasteko prest geunden, baina xoxak falta zitzaizkigun.
Hori dela eta, proiektuarekin aurrera jarraitu ala bertan behera utzi, erabaki beharra zegoen. Egoera horretan, lantaldeak luze eztabaidatu zuen eta filmarekin aurrera egitea erabaki zuen. Ondorioz, 2012. urtean, lantaldeko kide guztiok gure lana “kapitalizatzea” erabaki genuen; hau da, xoxik irabazi gabe lan egitea. Ondorioz, dirua lortzen dugun heinean, ordainsaria –edo dagokion ehunekoa– kobratzen dugu. Era horretara, dokumentala ekoitzi eta bide batez finantziazio-iturri berriak bilatu ditzakegu.
Emadazu Eskuak orain arte hainbat
finantziazio-iturri izan ditu. Erakunde batzuek dirua eman digute; beste
batzuek, berriz, beste mota bateko laguntza eskaini digute: proiektuaren berri eman dute,
grabaketetarako lekuak utzi dizkigute...
Diru-laguntzak, hala ere, ezinbestekoak izan
dira proiektua aurrera ateratzeko. Hurrengo zerrendan, finantziazioa nondik
lortu dugun ikus dezakezue:
Erakunde publikoak
Erakunde hauei proiektua aurkeztu zaie, eta
helburuen garrantzia eta bestelako faktoreak kontuan hartuta, proiektua diruz
laguntzea erabaki dute. Eman dituzten diru-laguntzak beste erakunde eta taldeek
emandakoak baino handiagoak izan dira: 2.500 eta 21.000 euro artekoak.
Eusko Jaurlaritza/Elgoibarko Udala/Galdakaoko Udala
Erakunde pribatuak:
Erakunde hauei ere proiektua aurkeztu zaie,
eta helburuen garrantzia eta bestelako faktoreak kontuan hartuta, proiektua
diruz laguntzea erabaki dute. Eman duten diru laguntza 400 eta 2.000 euro
artekoa izan da.
Irizar/Danobat/Juan Mateo Zabala euskaltegia/Naradeva/Bronces Garitano
Nanoekoizleak
Norbanakoei laguntza emateko aukera eman
genien; hamar eurotik hasi eta norberak nahi duen kopurura arte, dirua emateko
aukera dago.
No hay comentarios:
Publicar un comentario