Aintzane Maierren txikitako laguna da; unibertsitateko
garaian etxe berean bizi ziren, eta Itxasoren jaiotza eta ondorengo gertaerak
ondo baino hobeto gogoratzen ditu. Itxasoren ondoan bizitako hainbat pasadizo
alai kontatuko ditu, eta egoerei aldarte onean aurre egiteko gaitasuna
norberaren baitan dagoela agerian utziko du. Berak azpimarratzen duenez, Itxaso
ezagutzeak amatasunari buruz zuen jarrera aldarazi zion.
Peru Maierren laguna da. Jara izeneko ardi-txakurrak Itxasorekin duen
harreman bereziaren nondik norakoak kontatuko ditu; izan ere, Jarak beste
haurrei baino askoz ere kasu gehiago egiten dio Itxasori. Harreman horri buruzko
hausnarketa dotorea egingo du Peruk, eta
animalien hautemateko gaitasuna eta gizaki helduok duguna alderatuko
ditu.
Maialen Maierren ahizpa da. Sei
urte zituen Itxaso jaio zenean, eta ilusio handiz gogoratzen du egun horretan,
etxeko txikiena izatetik, Itxasoren izeko izatera pasa zela. Etxeko txikienak
hainbat urtetan zehar elkarren ondoan hazi ziren, eta horren eraginez, oso
harreman berezia, estua eta sakona, sortu zen bi nesken artean. Egun, Itxaso
ondoen ezagutzen duen senideetako bat da Maialen.
Anton Itxasoren aitona eta Maierren aita da. Oso gizon sentibera den arren, edo
agian horregatik, egoerei aurre egiteko tresna gisa umorea erabiltzen du.
Familiaren aldarte onaren arduradun
zuzena da, beraz.
Luis lanbidez osteopata da, eta
Maierren osaba ere bada. Itxaso ikusi ostean, Maierrekin argi eta garbi hitz
egin zuen lehen pertsona izan zen. Lan-
-esparruan gabeziak dituzten haurrekin lan egiten du; hori dela eta, ezintasunei buruzko ikuspegi sakon bezain aberatsa dauka.
-esparruan gabeziak dituzten haurrekin lan egiten du; hori dela eta, ezintasunei buruzko ikuspegi sakon bezain aberatsa dauka.
Martziala Itxasoren birramona
da. Izaera sendoa eta maitakorra du; aurreko belaunaldien oinordeko, bizitzari
aurre egiteko grina darama zainetan; halere, gaurko gizartean Itxasok aurrera
egiteko dituen arazoek kezka handia eragiten diote. Bada, edozein tartez
baliatuko da Itxasoren grinak asetzeko, gainontzeko senide eta sendagileei
jaramon egin gabe.
Jone Itxasoren amona eta Maier, Ander eta Maialenen ama da. Senarrarekin,
amaginarrebarekin eta alaba txikiarekin –Maialen– bizi da Elgoibarren. Adore
handiz egin dio aurre bizitzari eta, zintzotasunez, familiak aurrera ateratzeko
izan duen gaitasuna handia izan dela onartuko du. Jonek egindakoa adibide ezin
hobea izango da, esfortzuaren garrantziaz ohar gaitezen.
Mireia bigarren hezkuntzako irakaslea da; horrez gain, Maierren izeba eta
aholkularia da. Eskola inklusiboaren planaren baitan, haur bereziekin lan
egitea egokitu zaio. Esperientzia
abiapuntutzat hartuta, gainontzeko haurrentzat haur berezien lagun
izatea oso onuragarria eta aberasgarria dela uste du.
Leire Maierren lagun mina da. Itxasoren jaiotza eta gainontzeko gorabeherak
hasieratik bizi izan zituen, eta garai hartaz oroitzapen gazi-gozoak ditu.
Itxasorekin komunikatzeko erari buruz luze hausnartu du, eta bide erraza eta
erosoa dela uste du.
Conchak Maier irakasle izan zuen. Hasiera-hasieratik
ezagutu zuen Itxaso, eta bere jokatzeko erak erabat harritu zuen Maier:
“Zorroztasunez jokatzen du Itxasorekin, inolako errukirik erakutsi gabe”.
Conchak bere jokaera azalduko du: “Niri Itxasok ez dit inoiz penarik eman;
haatik, gogor egin diot, bera oso argia baita. Norberaren ahuldadeaz probetxua
ateratzen duela iruditzen zait”.
Idoia Maierren laguna eta auzokidea zen Itxaso jaio zenean. Lagun-talde handi
bateko kidea da, eta Maierren jarrerari eta Itxasoren garapenari buruzko oso
ikuspegi berezia dauka.
Aitziberrek
eta Maierrek lanean ezagutu zuten elkar. Itxasok 10
urte zituen orduan, eta Aitziber harrituta geratu zen bien egoera ezagutu
zuenean. Gizarteak haur bereziei eta haur horien gurasoei buruz dituen aurreiritziei
buruz hitz egingo du.
Isra Maierren senarra eta Uxueren aita da. Maier ezagutzeak
bizitza aldatu diola uste du, eta Itxaso ezagutzeak, aldiz, pertsona hobea
izaten lagundu diola.
No hay comentarios:
Publicar un comentario